З 3 кастрычніка 2022 года ДУА «Крытышынскі дзіцячы сад» пачаў работу па рэспубліканскім праекце сумесна з Паркам высокіх тэхналогій па ўкараненні праекта «Інфарматыка без разеткі» ў адукацыйны працэс установы дашкольнай адукацыі для выхаванцаў 5-6 гадоў.
Творчы праект спрыяе засваенню выхаванцамі асноў логікі і алгарытмізацыі, фарміраванню элементарных уменняў у галіне праграмавання і інфарматыкі, авалодання імі неабходнымі кампетэнцыямі для жыцця ў інфармацыйным грамадстве.
Праект "Інфарматыка без разеткі" – гэта гульнявая форма правядзення заняткаў, якая настолькі залучае ўсіх удзельнікаў адукацыйнага працэсу, што і педагогі, і дзеці, і бацькі становяцца раўнапраўнымі партнёрамі ў дасягненні адзінай мэты-развіцці алгарытмічнага мыслення ў дзяцей дашкольнага ўзросту.
Дзецям, удзельнікам праекта неверагодна пашанцавала, бо менавіта ў гэтым узроставым перыядзе мозг дзіцяці вельмі пластычны і здольны змяшчаць вялікі аб'ём інфармацыі - гэта лепшы перыяд для развіцця мыслення, памяці, ўяўлення і фарміравання ключавых кампетэнцый будучага школьніка. Гуляючы, дзеці асвойваюць такія паняцці як алгарытм, адмаўленне, ісціна і хлусня, кадаваньне, інфармацыя і многае іншае.
3 кастрычніка пачаліся займальныя заняткі ў гуртку на платнай аснове»Інфарматыка без разеткі". Заняткі праходзяць у форме гульні, выхаванцы пазнаёміліся з катом Алесікам-галоўным героем, які дапамагае стварыць гульнявую сітуацыю.
Кіраўнікам праекта стаў педагог, які прайшоў навучанне і атрымаў сертыфікат Парку высокіх тэхналогій: выхавальнік дашкольнай адукацыі Медведюк Алеся Васільеўна.разгарнуць » / « згарнуць