Маршруты выхаднога дня для сямейнага адпачынку
Калі вы, бацькі, можаце больш часу правесці са сваімі дзецьмі? Вядома, у выходныя дні. Кожная сям'я мае свае традыцыі і свой вопыт правядзення выхадных. Шматлікія сем'і выбіраюць сумесны адпачынак у забаўляльных цэнтрах, у парках культуры і адпачынку, паходы ў тэатр, кінатэатр, цырк. Аднак такі варыянт сямейнага вольнага часу могуць дазволіць сабе тыя, хто жыве ў гарадской мясцовасці, або сям'і, якія маюць пэўны матэрыяльны дастатак, які забяспечвае магчымасць арганізацыі паездкі ўсёй сем'ёй у абласны цэнтр або сталіцу нашай рэспублікі.
Таму альтэрнатывай для арганізацыі сумеснага сямейнага вольнага часу можа стаць бліжэйшае прыроднае і сацыяльнае асяроддзе. Зносіны з прыродай, знаёмства з цікавымі сацыяльнымі і гістарычнымі аб'ектамі ў тым населеным пункце, дзе пражывае сям'я, дазволіць арганізаваць не менш цікавы сямейны вольны час. Сумесныя прагулкі будуць спрыяць развіццю дзіцячай пазнавальнай цікавасці і назіральнасці, фарміраванню асноў эканамічнай і экалагічнай культуры дзяцей, знаёмству дзяцей і саміх бацькоў з гісторыяй сваёй малой радзімы, выхаванню пазітыўнага стаўлення да месца, дзе нарадзіліся і жывуць. Правільная арганізацыя прагулак на луг, вадаём, у лес, у поле, да помніка на плошчы, па вуліцах роднага горада ці вёскі забяспечыць умовы для ўмацавання здароўя і гарманізацыі дзіцяча-бацькоўскіх узаемаадносін у сем'ях.
Паважаныя бацькі! Па выніках прагулкі рабіце сумесныя фатаграфіі або відэаролікі, складайце апавяданні і казкі і дасылайце на электронны адрас ddu-kritivn@ivanovo.edu.by
Жадаем вам вясёлых, цікавых, пазнавальных прагулак!
разгарнуць » / « згарнуць